Dövlət Dəniz və Liman Agentliyindən Vakansiya: Gəmi Hərəkətinin İdarəedilməsi üzrə Operator tələb olunur
Vəzifə öhdəlikləri:
– Azərbaycan Respublikasının ərazi sularında gəmilərin hərəkətinin daimi müşahidəsinin həyata keçirilməsi
– Gəmilərin Azərbaycan Respublikasının ərazi sularına daxil olmasının aşkar edilməsi, gəmilərlə rabitə əlaqəsinin yaradılması, gəmilər haqqında məlumatların toplanılması
– Gəmilərin radar vasitəsilə müşayiət edilməsi və gəmilərin hərəkətinin idarə olunması, habelə gəmilər tərəfindən müəyyən edilmiş marşruta, sürətə və ara məsafəsinə riayət olunmasının təmin edilməsi
– Nəzarəti həvalə edilmiş Azərbaycan Respublikasının ərazi sularında dəniz mühitinin mühafizəsi və dəniz üzgüçülüyü qaydalarına riayət olunmasına nəzarət edilməsi
– Gəmi və dəniz nəqliyyatının digər obyektləri ilə rabitənin yaradılması, gəmilərə naviqasiya, meteoroloji və digər məlumatların tam və düzgün olaraq ötürülməsinin təmin edilməsi
– Gəmilərdən daxil olan həyəcan siqnalları, baş vermiş hadisələr barədə dərhal növbə rəisinə məlumat verilməsi, hadisənin araşdırılması və operativ tədbirlərin yerinə yetirilməsində iştirak edilməsi
– Gəmilərdən dənizin çirkləndirilməsinin qarşısının alınması və gəmilərin təhlükəsiz idarə edilməsi məqsədilə gəminin növləri, yükü, xüsusi xarakteristikaları barədə məlumatların alınması
– Müəyyən olunmuş hərəkət axınından yayınmaların qarşısının alınması məqsədilə fasiləsiz müşahidələr edilməsi
– Mövcud və proqnozlaşdırılan meteoroloji və hidroloji şərait haqqında mütəmadi olaraq məlumatların alınması
Namizədlərə tələblər:
– Dəniz nəqliyyatı sahəsində Azərbaycan Respublikasının müvafiq qanunvericiliyinə dair biliklər
– Dəniz nəqliyyatı sahəsində beynəlxalq konvensiyalara dair biliklər
– Elektron və kağız xəritələrlə işləmə bacarığı
– MS Office proqramlarında işləmə bacarığı
– Şifahi və yazılı ünsiyyət bacarığı
– Dəqiqlik və məsuliyyətlilik
– Stressə davamlılıq
– Planlama və zamanın idarə olunması
– Problemləri həll etmə bacarığı
– Komandada işləmə bacarığı
Əmək haqqı:
– namizədin bilik, bacarıq və təcrübəsinə əsasən müəyyən olunacaqdır
– AR Qanunvericiliyinə əsasən rəsmi qeydiyyat
Müraciət üçün:
Maraqlanan namizədlər öz CV-lərini emailin mövzu hissəsində “Gəmi Hərəkətinin İdarəedilməsi üzrə Operator” qeyd edərək karyera@ddla.gov.az e-poçt ünvanına göndərə bilərlər.
DİQQƏT: yalnız e-mail ünvanına gələn cv-lərə baxılacaq, zəng və ya whatsapp üzərindən müraciətlər qəbul olunmur
